الرئيسيةاهلاً بكمالتسجيلدخول


شاطر | 
 

 يومياآت شآأب عادي * قصة واقعية انت بطلهآأ *

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
حفيدة نبي الأمة
قــلم مُــبدع
قــلم مُــبدع


نـقــــآط الإشرآف . : 130
نـقــــآط الـتـمـيـز . : 86
القسم المفضـل . : قسم التقنية ♥
الجنـس . : انثى
المسآهمآت . : 11519
شهرة العضو : 18
المـوقـع . : في ملككَوت‘ ـآلخ‘ـآلققَ
العـمــر . : 19

مُساهمةموضوع: يومياآت شآأب عادي * قصة واقعية انت بطلهآأ *   الخميس فبراير 20, 2014 10:52 am







بسم الله الرحمن الرحيم
السلام عليكم ورحمة الله وبركاته
اما بعد ،،،
تحية طيبة للجميع ، وصلاة وسلام على أشرف الانبياء والمرسلين
محمد بن عبدالله صلى الله عليه وسلم ،،
قررت انى ان شاء الله اقدم لكم حلقات مسلسل جميل جدا
حكاياتهُ من الواقع الذي نَعيشهُ
وحقيقي يمكن أن يكون اي شخص بطل فى القصه
لن أُطيل عليكم
دى مقدمه المسلسل كتبها المؤلف ،، مصطفى أبراهيم



يوميات شاب عادي ،،،

أِبتَلينا فى عصرنا هذا بالمُسلسلات فتجد انه قل من يكون بالبيت لايتابع فيه احد أفراده مُسلسلاً بأنتظام
ويرون أنه للتسلية أما أصحاب الفكر الراقى فيقولون أنه إفاده وتغزيه للعقل وغير ذلك مما تعرفونه
فكرت ان يكون لنا نحن مسلسلاً خاصاً بِنا لكنهُ مُسلسل بشكل آخر ،،



ملخص المسلسل للدعاية ،،،
قصة حياة شاب عادي واخر ملتزم انا اراه قدوة لي فهو مثاليى إلى أبعد مانتخيل لكنهُ فى ذات الامر واقعى جدا ،،
سيمر الاثنان بما نمر عليه جميعا من فتن ومشاكل..
حُب وكُره ،، فرح وغضب ،، وسنرى كيف سيتعامل الاثنان مع هذه المشاكل ..؟؟!

القصة ليست خيالية بل هى واقعية جداً ،،
قد تجد او تجدي تشابها كبيرا بينها وبينك فى كثير من أجزائها ،،

لحد يرد لو سمحت ،،

الرجوع الى أعلى الصفحة اذهب الى الأسفل
حفيدة نبي الأمة
قــلم مُــبدع
قــلم مُــبدع


نـقــــآط الإشرآف . : 130
نـقــــآط الـتـمـيـز . : 86
القسم المفضـل . : قسم التقنية ♥
الجنـس . : انثى
المسآهمآت . : 11519
شهرة العضو : 18
المـوقـع . : في ملككَوت‘ ـآلخ‘ـآلققَ
العـمــر . : 19

مُساهمةموضوع: رد: يومياآت شآأب عادي * قصة واقعية انت بطلهآأ *   الخميس فبراير 20, 2014 11:14 am





قبل أن أبدأ اعتذر أليكم الحلقات سوف تكون باللغة العامية  9 

الحلقة الاولى ،،
على بوابة الألتزام



فى احدى شوارع القاهرة تقف عمارة شامخة آيلة للسقوط كما هو الحال مع
كثير من عمارات مصرنا المحروسة
وفى إحدى طوابق هذه العمارة تسكن أسرة مصرية بسيطه تتكون من خمسة افراد

اب : موظف عادى فى احدى الشركات
ام : ربة منزل
اخت : عائشة
واخ: بطلنا الهمام ( عبد الرحمن)
واخت صغرى: فاطمة
الساعة الثامنة صباحا
ام عبد الرحمن: قوم ياابنى تعبتنى معاك اول يوم فى الكلية ومش هتروح
عبد الرحمن: حاضر ياماما قايم اهه ربع ساعه بس
ام عبد الرحمن: خلاص براحتك انا زهقت منك تروح ماتروحش انت حر



بعد نصف ساعة
عبد الرحمن: صباح الخير ياست الكل
ام عبد الرحمن : اهو هو ده الى واخدينه منك روح الكلية بقى مش من اولها كده
عبد الرحمن: حاضر اعتبرينى روحت خلاص
بعد ساعة من اللكاعه نزل من البيت
أنتظر الاتوبيس طويلا وفى النهاية أتى الاتوبيس لكن بعد ان قضى وقتا ممتعا من الافأفة( اف اف)
ركب صاحبنا الاتوبيس وماأكثر الزحام وطبعا لم يسلم من واحده صاحية متأخر ومتعصبه وهى رايحه الشغل
وواحد مراته واخده منه مصروف البيت ومنكده عليه على الصبح
ومتخدش فى بالك طبعا اللى قاعدين على الكراسى فكلهم طالعين رحلة مش هينزلوا إلا فى نهاية الخط


المهم انتهت معركة الاتوبيس بالفوز المبين ووصل للكلية
حينما رأى سور الجامعة عادت به الذاكرة الى الوراء شهورا ياااااااااااااااااااااه
خلصنا خلاص من الثانوية العامة وتعبها اخيرا دخلنا الكلية أهى هيه دى الحرية ولا بلاش
أخيرا هنعشها صح

خطى اولى خطواته داخل الجامعة وعلى البوابة ،،،،



الحارس: فين الكارنيه؟
عبد الرحمن: انا لسه سنة اولى
الحارس: طيب وياريت تبقى تعمله ماتنمش عليه
دخل عبد الرحمن وهو بيقول: هو ماله الأخ فى حد مزعله؟

ظل يبحث طويلا عن جدول المحاضرات ليدونه فوجده اخيرا ودونه
فهو لا يعرف حد فى الكلية فالشلة الكريمه بتاعته غالبهم لم ينجحوا
والجزء الاخر التحقوا بمعاهد خاصة
وصل الى المدرج وجلس
الساعة الأن 12: 30 دقيقة
بدأ الدكتور فى الترحيب بهم وخلاف ذلك مما يتحدث فيه الدكاتره أول يوم



وفجأة إرتفع آذان الظهر

الله اكبر الله اكبر ..


لم يهتز لاخينا عبد الرحمن طرف *فهو بعد لم يلتزم*
حدثه احد الاخوة بجواره يبدو عليه الالتزام

مش هتصلى يااخى ؟ :)
طيب والمحاضرة ؟
هنستأذن ونرجع على طول
امممممممم انا مش متوضئ
تعال ننزل ونتوضئ من مسجد الكلية
معلش اتفضل انت عشان مااضيعش المحاضرة
آل يعنى الواد هيقطع نفسه مذاكرة من أول يوم

براحتك ..
بس عايز اقلك حاجه ..
النجاح يبدأ من المسجد ربنا يهديك


صاحبنا قال فى نفسه:
هو فيه ايه ؟ ليه كل ده ؟
ماعلينا

انتهت المحاضرة وعاد عبد الرحمن للبيت

الام : اهلا ياعبد الرحمن اخبار الكلية ايه ؟
عبد الرحمن : كويسه بتسلم عليكى
الام: مالك فى حاجه ؟
عبد الرحمن : لا عادى هاتيلى اكل :)

اتغدى صاحبنا ودخل لينام تقلب على السرير بعض الوقت يشعر انه مخنوق أهو هتقول إيه فاضى
بأه لايعرف لماذا هذا الشعور
الح على نفسه بالنوم لعله يستيقظ وقد ذهب عنه الذى يجده فى صدره
استيقظ بعد ساعات ولم يذهب مابه

مبدهاش أقوم احسن أفتح النت
قضى الليل كله امام النت وقبل الفجر بساعة
نام ،،،،،،،،،،،،،
ولتشتكى يافجر من عبد الرحمن
فى الصباح حان وقت الكلية وحانت ايضا معركة الاستيقاظ بعد نهاية العراك استيقظ وهو متأفف ولا يطيق أن يحدثه أحد
ذهب للكلية ودخل المدرج ولم يلتفت حوله لانه بعد لم يستيقظ من النوم


نبهه اخ بجواره بقوله : السلام عليكم يااخى انا محمد وانت؟
انا : عبد الرحمن
محمد: ماشاء الله اسمك جميل جدا
ماتتصورش انا بحب اسم عبد الرحمن أد إيه معناه حلو اوى من الرحمة واحنا محتاجين للرحمة جدا فى أيامنا الوردى دى :)

عبد الرحمن: بدى عليه علامات التعجب ولا جواب!!!
محمد : انت مضايق عشان انا بكلمك ولاحاجه
عبد الرحمن : لا انا مضايق لوحدى
محمد: طيب ممكن نبقى اصحاب وتفضفضلى ؟
عبد الرحمن: ممكن نبقى اصحاب!!!
محمد : طيب ممكن تأخد منى الشريط ده عربون صداقة
عبد الرحمن: أخده منه ولم ينظر حتى فى اسم الشريط" شكرا"
وحان وقت صلاة الظهر
محمد: يالا يابطل ننزل نصلى اكيد لما تصلى هتبقى تمام
عبد الرحمن: هبقى تمام ازاى يعنى ؟
محمد : لأن الله عز وجل قال ( ألا بذكر الله تطمئن القلوب ) والصلاة من الذكر يبقى قلبك هينشرح لما تصلى مش انت بتصدق ربنا
عبد الرحمن: ايوه ونعم بالله بالله
نزل صحبنا معاه وهو طبعا مبلم مش فاهم إيه الحكاية
لماذا يريد هذا الشاب أن يصاحبنى هو يعرفنى منين وعايز ياترى منى إيه
ونزلا الى المسجد
وعند دخولهم للمسجد
وقعت عينه على شئ غرييييييييييييب جدا
أتفجع أول ما شافه





ياترى ما هو ؟؟


ياترى ماذا سيحدث لعبد الرحمن
وإيه الشىء الغريب ده
إنتظرونا فى الحلقة القادمة




تنسيق ،، حفيدة نبي الامة
الطقم ،، حفيدة نبي الأمة
القصة ،، الكاتب مصطفى أبراهيم




الرجوع الى أعلى الصفحة اذهب الى الأسفل
جُوري
محقق ذهبي
محقق ذهبي


نـقــــآط الإشرآف . : 2
نـقــــآط الـتـمـيـز . : 3
القسم المفضـل . : القسم الاسلآمي ♥
الآنمي المـفضل . : Code Geass
الجنـس . : انثى
المسآهمآت . : 2163
شهرة العضو : 12
المـوقـع . : موقعي هو بقعة تحت قدمي
العـمــر . : 19

مُساهمةموضوع: رد: يومياآت شآأب عادي * قصة واقعية انت بطلهآأ *   الخميس فبراير 20, 2014 3:14 pm

أه جمييلة جدا .. بس اكتبي إبراهيم مصطفى زايد عشان فيه ناس تانية اسمهم ابراهيم مصطفى ..

أنا قرأتها وخلصتها الحمد لله .. قرأتها مرتين كمان :)
بس الأفضل يا بنتي تحطي كل يوم حلقتين لأن حلقاتها قصيرة جدا ..

اه نسيت اقول حاجة مهمة جدااا
التنسيق جمييل والغلاف.. باختصار، الخلفية والصور ممتازة ^_-
ربنا يبارك ..

هبقى اتابع عشان اشوف اخر التصميم الجامد بتاعك ده :D


عدل سابقا من قبل جُوري في الخميس فبراير 20, 2014 3:19 pm عدل 1 مرات (السبب : مالكوش دعوة -_-)
الرجوع الى أعلى الصفحة اذهب الى الأسفل
حفيدة نبي الأمة
قــلم مُــبدع
قــلم مُــبدع


نـقــــآط الإشرآف . : 130
نـقــــآط الـتـمـيـز . : 86
القسم المفضـل . : قسم التقنية ♥
الجنـس . : انثى
المسآهمآت . : 11519
شهرة العضو : 18
المـوقـع . : في ملككَوت‘ ـآلخ‘ـآلققَ
العـمــر . : 19

مُساهمةموضوع: رد: يومياآت شآأب عادي * قصة واقعية انت بطلهآأ *   الخميس فبراير 20, 2014 3:27 pm

جُوري كتب:
أه جمييلة جدا .. بس اكتبي إبراهيم مصطفى زايد عشان فيه ناس تانية اسمهم ابراهيم مصطفى ..

أنا قرأتها وخلصتها الحمد لله .. قرأتها مرتين كمان :)
بس الأفضل يا بنتي تحطي كل يوم حلقتين لأن حلقاتها قصيرة جدا ..

اه نسيت اقول حاجة مهمة جدااا
التنسيق جمييل والغلاف.. باختصار، الخلفية والصور ممتازة ^_-
ربنا يبارك ..

هبقى اتابع عشان اشوف اخر التصميم الجامد بتاعك ده :D

جزاك الله خيراً ياجُوري
لاء اسمه مصطفى أبراهيم :)
هههههههههههههههههههه لحقتي تخلصيها امتى ؟!
ان شاء الله هشوف على حسب التنسيق وكده :)
اتفضلي :
شكراً انتي أجمل حببتي
احلى متابعة ان شاء الله
انرتي الموضوع
الرجوع الى أعلى الصفحة اذهب الى الأسفل
ÃrïKä.Çøñàn●
محقق محترف
محقق محترف


نـقــــآط الـتـمـيـز . : 30
نقاطي . : 21
القسم المفضـل . : قسم الثقآفة العآمة والفن ♥
الآنمي المـفضل . : Hunter X Hunter
الجنـس . : انثى
المسآهمآت . : 7603
شهرة العضو : 577
المـوقـع . : ïñ mÿ škÿ !*
العـمــر . : 17

مُساهمةموضوع: رد: يومياآت شآأب عادي * قصة واقعية انت بطلهآأ *   الخميس فبراير 20, 2014 3:36 pm

السلام عليكم ورحمة الله وبركاته ..


أخبـآرك يآ حفيدة نبي الأمة ؟؟ =) ..


أتمنى تكوني بصحة وعافية ..


بصرآحة حقآ أندهشت ..


يـآآهـ كم أحب القصص التي تتحدث عن الهدآية ومآ إلى ذلك ..


فحقآ أجد الكثييير من العظآت والعبر والحكم الموجودة فيهآ ..


كم أتوق شوقآ لأن تكملي البآقي ..


ولكنني للأسف لآ أعلم مآ رأى .. فليس هناك مايدهش حين دخول المسجد ..


سوى أعتقد أنه رأى جنازة او ماشابه ..؟!


وبصرآحة لآ بأس باللهجة المصرية كم أحبهآآ كثيرآآآآآآآآ ..


أستمتع حقآ عند قراءة او سماع أحد يتكلم بالمصرية هكذآ ^_^ ..


بإنتـظـآر التكلمة عزيزتي وكمآ قآلت آختي جُوري ليت لو تضعي حلقتين لأنه نوعاً ما قصيرة الحلقة ..


دمتي بخير ..
الرجوع الى أعلى الصفحة اذهب الى الأسفل
حفيدة نبي الأمة
قــلم مُــبدع
قــلم مُــبدع


نـقــــآط الإشرآف . : 130
نـقــــآط الـتـمـيـز . : 86
القسم المفضـل . : قسم التقنية ♥
الجنـس . : انثى
المسآهمآت . : 11519
شهرة العضو : 18
المـوقـع . : في ملككَوت‘ ـآلخ‘ـآلققَ
العـمــر . : 19

مُساهمةموضوع: رد: يومياآت شآأب عادي * قصة واقعية انت بطلهآأ *   الخميس فبراير 20, 2014 3:41 pm

ÃrïKä.Çøñàn● كتب:
السلام عليكم ورحمة الله وبركاته ..
أخبـآرك يآ حفيدة نبي الأمة ؟؟ =) ..
أتمنى تكوني بصحة وعافية ..
بصرآحة حقآ أندهشت ..
يـآآهـ كم أحب القصص التي تتحدث عن الهدآية ومآ إلى ذلك ..
فحقآ أجد الكثييير من العظآت والعبر والحكم الموجودة فيهآ ..
كم أتوق شوقآ لأن تكملي البآقي ..
ولكنني للأسف لآ أعلم مآ رأى .. فليس هناك مايدهش حين دخول المسجد ..
سوى أعتقد أنه رأى جنازة او ماشابه ..؟!
وبصرآحة لآ بأس باللهجة المصرية كم أحبهآآ كثيرآآآآآآآآ ..
أستمتع حقآ عند قراءة او سماع أحد يتكلم بالمصرية هكذآ ^_^ ..
بإنتـظـآر التكلمة عزيزتي وكمآ قآلت آختي جُوري ليت لو تضعي حلقتين لأنه نوعاً ما قصيرة الحلقة ..
دمتي بخير ..

وعليكم السلام ورحمة الله وبركاته
تمام والحمدلله وانتي ؟!
جيد يافتاة احب من يحب القصص 4 
نعم هذه القصة بالذات سوف تجدين فيها العظة والعبر وبالذات في الحلقات الاخيرة :)
هههههههههههههههههه بالنسبة لكي ليس هناك ولكن بالنسب لفتى اول مرة يدخل مسجد ؟!
ههههههههههههههههههههههههههههههههههههههههههههههههه حقاً يشرفني انكي استمتعتي باللهجة المصرية :)
ان شاء الله غداً
دمتي ايضاً
انرتي الموضوع
الرجوع الى أعلى الصفحة اذهب الى الأسفل
حفيدة نبي الأمة
قــلم مُــبدع
قــلم مُــبدع


نـقــــآط الإشرآف . : 130
نـقــــآط الـتـمـيـز . : 86
القسم المفضـل . : قسم التقنية ♥
الجنـس . : انثى
المسآهمآت . : 11519
شهرة العضو : 18
المـوقـع . : في ملككَوت‘ ـآلخ‘ـآلققَ
العـمــر . : 19

مُساهمةموضوع: رد: يومياآت شآأب عادي * قصة واقعية انت بطلهآأ *   الجمعة فبراير 21, 2014 3:30 pm





خطى صاحبنا أول خطوة له فى المسجد ... بخطوات ثقيلة ولا يذكر آخر مرة دخل فيها المسجد متى كانت دخل بعد طول غياب...
دخل بصمت وسكون عجيبين لكن قطع كل هذا أن وقعت عينه على مشهد لم يره من قبل...رأى شاب مضيئ الوجه
يكاد ينير القمر فى وجهه رغم أنه لم يكن أبيض البشرة كثيرا
إلا أن وجهه يشع
يقرأ فى مصحف ويبدو عليه الخشوع والتأثر جدا
حتى انه قد انحدرت من عينيه على خديه دمعتان تصف ما حلّ به من تأثر
فما أن رأى وجهه حتى تعلقت عيناه به
وكأنه مكتوب عليه ممنوع اللمس
وحينها دار فى عقله : ياترى مين الواد ده إيه النور ألى فى وشه ده

كان أمرا غريبا لم يره من قبل وما زاده اندهاشا هو أن الشاب رفع عينيه من المصحف ونظر إليه ومع ماهو فيه من تأثر إلا
انه تبسم له ابتسامة جميلة زادت من وجهه نورا على نور تعجب

عبد الرحمن : هل هو يعرفني ؟


لا أنا لم أره من قبل إذا فلماذا يبتسم لي وهو على هذه الحالة؟
لم يكن يعلم عبد الرحمن إن تلك الأبتسامة بمثابة ترحيب له
بل لم يكن يعلم أنها ستكون سبب هدايته

وفجأة

**
قطع الصمت.. صوت الإقامة فانتبه عبد الرحمن أن صديقه محمد كان يحدثه كل تلك الفتره
إلا أنه لم يسمع منه كلمه واحدة ثم وقفت الصفوف للصلاة
فتعمد الأخ صاحب الوجه المضيء أن يقف بجواره ولم يكلمه

وضحك : كبروا للصلاة ...... كبر عبد الرحمن للصلاة

يااااااااااااااااااه

شعر صاحبنا بشىء غريب يسرى فى جسده هل السبب لأنه لم يصل ِ من زمن فات
أم لأن جسده يلامس جسد ذاك الشاب الغريب
وكأنه قد لامس سلك كهربا
لم يخشع فى الصلاة كما ينبغي إلا انه لما انتهى من الصلاة شعر بشعور غريب فى قلبه لم يعرف
وصف هذا الشعور اهو أرتياح ام ماذا .... المهم ...... لما انتهت الصلاة سلم عليه الاخ

وقال له : السلام عليك انت جديد فى الكلية؟
عبد الرحمن : ايوه
الاخ: مرحبا بك معنا ما شاء الله وشك منور ياريت ماتحرمناش نشوفك فى المسجد
أحبك فى الله

ضحك صاحبنا فى عقله وقال فى سره : أما أنا وشى منور أمال هو وشه فى إيه ماس كهربى

ثم قطع محمد تفكيره مرة أخرى وقاله :ايه ياعبد الرحمن مالك؟
عبد الرحمن: لا أبدا هو مين ده ؟
محمد: ده الشيخ معاذ
أخ نحسبه على خير فى سنة ثالثة ، خير انت بتسأل عنه ليه ؟

عبد الرحمن : لا أبدا بس اصله كلامه حلو اوى.


محمد: ايوه .. هو ماشاء الله عليه مشهور بحسن خلقه غير كدة مولعها فى الكلية
دروس ودعوة وقرآن مبيفوتش ثانية عقبالك وقبالى كدة أما نكون زيه

عبد الرحمن: هو ينفع يعنى ان انا اروح اكلمه واقوله انى عايز اتعرف عليه ؟
محمد : ايوه اكيد
عبد الرحمن: ولابلاش مش لازم النهارده
محمد: ليه؟
عبد الرحمن: مش عارف مش مهم خليها بكره
محمد :طب إيه رأيك تدينى رقم تليفونك عشان أبقى أطمن عليك
عبد الرحمن : أه طيب أتفضل أهو "............"

استحي عبد الرحمن ان يذهب ليحادث معاذ فقد شعر فى نفسه انه
لايصلح ان يحادث هذا الشاب الصالح حس بفرق كبير بينهم


خرج من المسجد ليعود الى المحاضرة ...
ثم حان وقت عودته للبيت فخرج ليركب المواصلات لم يشعر هذا اليوم بزحمة السير فقد كان باله شارد
ولم يستفق الا وهو يضع المفتاح فى باب المنزل ويدخل ....


عائشة اخته: اهلا اهلا استاذ عبد الرحمن عاش من شافك بتنام والناس صاحيين وتصحى والناس نايميين
عبد الرحمن:إيه يا خفة أبعدى عنى دلوقتى عشان الموضوع مشناقصك
ثم أبتسم إبتسامة جميلة

عائشة: خير ايه ايه الهدوء ألى نزل عليك فجأة ده ؟ حد مزعلك ؟


عبد الرحمن : لا مافيش
عائشه :طيب تتغدى
عبد الرحمن: لا هدخل اريح شويه لانى تعبان
عائشه : طيب استنى اتغدى ونام
عبد الرحمن: لا مش قادر اصل انا تعبان
عائشة : طيب روح نام


دخل عبد الرحمن لغرفته وبدل ملابسه واستلقى على السرير وكل مرة يحاول ينام وميقدرش من الملل ألى هو فيه
والحياة الروتينية ألا أن تلك المرة لم ينم لأنه مازال يذكر ذلك الوجه يا ترى فى حد فى الأيام دى زيه كده إيه
الناس دى ياترى بيعملوا إيه

وسعتها سمع صوت غريب جوة نفسه بيقوله: أنت مالك ومال الناس دى ياعم دى عالم واصلة
بس دا صغير مش أكبر منى بكتير يعنى
يييييييييه أنا هقرف نفسى والا إيه سيبك بأه وخلينا ننام شوية


وما أن قاربت عينه على النعاس الا وايقظها صوت كأنه اول مرة يسمعه

الله اكبر .. الله أكبر .. الله أكبر ... الله أكبر ... اشهد الا اله الا الله ... اشهد الا اله الا الله ...
اشهد ان محمدا رسول الله ... اشهد ان محمدا رسول الله ... حى على الصلاة .. حى على الصلاة ....
الصلاة انها صلاة العصر هل ستدفع شيطانك
ياعبد الرحمن وتقوم لتؤدى صلاة العصر ؟
ام ان الايمان فى قلبك لم يزل اضعف من محاربة الشيطان ؟لكن عينه غلبته للنعاس فنام ....


وياريته ما نام
ياترى إيه اللى هيحصل وهو نايم
ومكانش عايزه يحصل .... ؟؟



الرجوع الى أعلى الصفحة اذهب الى الأسفل
حفيدة نبي الأمة
قــلم مُــبدع
قــلم مُــبدع


نـقــــآط الإشرآف . : 130
نـقــــآط الـتـمـيـز . : 86
القسم المفضـل . : قسم التقنية ♥
الجنـس . : انثى
المسآهمآت . : 11519
شهرة العضو : 18
المـوقـع . : في ملككَوت‘ ـآلخ‘ـآلققَ
العـمــر . : 19

مُساهمةموضوع: رد: يومياآت شآأب عادي * قصة واقعية انت بطلهآأ *   السبت فبراير 22, 2014 9:38 pm

[color=black]





نام صاحبنا عبد الرحمن وراحت عيناه فى النوم من كثرة التفكير وإذا وهو نائم
يرن جرس التليفون
ذهبت الأخت الصغيرة عائشة لترد


عائشة : ألو
المتصل : السلام عليكم
عائشة : وعليكم السلام مين معايا
المتصل : أنا محمد صاحب عبد الرحمن فى الكلية
كنت عايزه فى حاجه وقلت ألحقه قبل ما يصلى

عائشة : يصلى !!! عبد الرحمن يصلى !!!
هههههههههه صلى على النبى

محمد : عليه الصلاة والسلام طب هو موجود
عائشة : هو نايم
محمد : طيب أما يصحا قوليله أنى أتصلت بيه
عائشة : طيب !!!!!!!

ومرت ثلاث ساعات وقام صاحبنا من النوم

عبد الرحمن : ماما حطيلى أكل
الأم : أنت مكلتش لما جيت من الكلية
عبد الرحمن : لأ مكانش لية نفس
الأم : طيب أنا هصلى المغرب وحطلك
عبد الرحمن : ماشى بس ماتصليش التراويح أنا هفتح التلفزيون عبال ماتخلصى

ودخل صاحبنا فوجد أخته عائشة قدام التلفزون

عبد الرحمن : أنتِ موراكيش حاجة
عائشة : لأ أنا قاعدة فى مانع ؟؟
عبد الرحمن : قومى ذاكرى
عائشة : خلصت مذاكرة
صحيح فى واحد أتصل بيك اسمه محمد

عبد الرحمن : محمد !!! وكان عايز إيه
عائشة : معرفش مقالش لكن دا قالى أنه كان عايز يلحقك قبل ما تصلى
أنت بتصلى من ورانا ولا إيه
وبعدين أنت من أمتى بتصاحب النوعيات دى

عبد الرحمن : أنتى هتفتحيلى محضر وبعدين أنتى فاكرانى كافر مابصليش ولا إيه
ثم جاء صوت من الخلف وكان صوت والد عبد الرحمن
: طب كويس أن أنت عارف أن ألى مبيصليش يبأى كافر


عبد الرحمن : يووووووووووووووه أنا داخل أفتح الكمبيوتر
الأم : مش هتاكل
عبد الرحمن : ملياش نفس

دخل عبد الرحمن حجرته وقفل على نفسه وقعد يفكر شوية
الغبية عائشة دى أل يعنى هية ألى مقطعه نفسها فى قيام الليل
هتعملى فيها شيخة


وعدا اليوم وجاء اليوم الثانى وإذا بمحمد فى وشه
أول ما عبد الرحمن شافه حاول يتجنبه ويعمل نفسه بيكلم واحد صاحبه
إلا أن محمد جاء وسلم عليه وولا كأن حاجة حصلت
ثم

محمد : أنا رايح أصلى الضحى تيجى معايا
عبد الرحمن (بصوت مرتفع) : بص بأى أنا مبصليش
أبتسم محمد وقاله : طيب وماله مش أنت مسلم واسمك عبد الرحمن
عبد الرحمن : أه
محمد : طيب يعنى ممكن تصلى فى أى وقت
شعر محمد بالأحراج أمام صاحبه ولم يعرف ماذا يقول


محمد : أنا رايح أتوضى تيجى معايا المحاضرة الأولى أتلغت بيقولو الدكتور مش جاى
أهم الدكاتره كده يجوا فى أول شهر ويتملكعوا وأحنا نيجى فى آخر شهر ونحتاس
هتيجى معايا

ضحك عبد الرحمن وقال : ماشى

ذهب الأثنين لمسجد الكلية للوضوء
وبدأ كل واحد منهم بالوضوء
لاحظ محمد بعض الأخطاء فى وضوء عبد الرحمن


فقال : عبد الرحمن ممكن أقولك حاجة ولا هتزعأ زى مزعقت لى بره
ضحك عبد الرحمن : قول فى إيه
محمد : بص ياسيدى أنا بس عايزك ترتب أركان الوضوء عشان الترتيب فرض
يعنى ممكن أنا أنسى أتمضمض لكن وضوئى صحيح
لكن لو مرتبتش الوضوء يبأى الوضوء غير صحيح وبالتالى هتبوظ الصلاة

عبد الرحمن : طيب وأرتبهم الزاى بقى
محمد : بسيطة خالص
" أول حاجة تقول بسم الله ودى سُنة وبعد كده تغسل كفك 3مرات وخلى بالك كفك
مش أيدك كلها وبعدين تتمضمض 3 مرات وتستنثر 3 مرات ودول يا سيدى سُنه برضه
وبعد كده تغسل وشك 3 مرات وخلى بالك خلى المية تيجى على وشك كله
تلاقى البت من دول تغسل وشها وخايفة تبل الطارحة والمية لا تصل لكل الوش
وده كله غلط"


عبد الرحمن : سيبك من البنات خلينا فى الصبيان وبعدين كمل
محمد : " بعد وشك ودا طبعا فرض تغسل أيدك لغاية الكوع
ويستحسن تبدأ باليمين3 مرات وبعد كده تبلل يدك لتمسح رأسك من الأمام للخلف ودى فرض ومعاها أذنك من الظاهر والباطن
ودى سنة والأثنين مرة واحدة وفى الأخر تغسل رجلك للكعبين ثلاثا "

عبد الرحمن : بس أنا ممكن أمسح على الشراب مش كده
محمد : أه طبعا لو كنت لبسه على وضوء
عبد الرحمن : بس أنا مش متوضى
محمد : يبأى لازم تقلعه يا بطل
عبد الرحمن : طيب متشكرين على وجع القلب ده ممكن أتوضى بقى
محمد : أتفضل هو أنا حايشك


أنتهت معركة الوضوء التى كانت تشبه معركة إستيقاظ عبد الرحمن
وذهب الأثنين للمسجد

وأول مادخل عبد الرحمن المسجد وقعت عينه على معاذ مرة ثانية
وكالعادة تَنّح أول مشافه بس المرادى كان بيصلى
ولاحظ فى ذقنه لحية سوداء لم تكتمل النمو بعد تزين وجهه
لم يلاحظها المرة السابقة لما أثاره من نور وجهه
وكأن عبد الرحمن أول مرة يشوف حد بيصلى
حس أن الراجل ده بيركع بجد بيسجد بجد
المهم دخلوا


والتفت لمحمد وقال : هو الأخ ده مقيم على طول فى المسجد
محمد : لأ أصل أنهاردة سمعت أن فى درس بعد صلاة الضحى فى المسجد
أنا هقوم أصلى


قام كل من عبد الرحمن ومحمد للصلاة
وطبعا صاحبنا نقرهم نقر الديك وخلص بدرى قبل محمد
ولما خلص وجد معاذ بيبصله

هو كان مراقبنى وأنا بصلى ولا إيه

ثانى مرة يشعر بالأحراج النهاردة
وهو لسه بيفكر
وجد معاذ فى وشه بسلم عليه


معاذ : السلام عليكم ورحمة الله وبركاته
عبد الرحمن : وعليكم السلام
معاذ : وحشتنى والله أنت فاكرنى ولا نسيت
عبد الرحمن قال فى باله " أنا أقدر أنسى مش أنتى بتاع الكهربا"
عبد الرحمن : أيوه فاكر أنت الأخ ألى كنت بتصلى جمبى أمبارح صح
معاذ : أيوه أنا صح إيه رأيك فى الكلية
عبد الرحمن : شغاله ..... يعنى .....
معاذ : معندكش محاضرات دلوقتى
عبد الرحمن : أتلغت
معاذ : طيب خير فى درس هنا فى المسجد بعد صلاة الضحى إيه رأيك تحضره معانا
عبد الرحمن : مش عارف هشوف

وبعد شوية قام واحد وقال إن شاء الله ياجماعة فى درس هيبدأ الأن بعنوان : التوبه
وبعد مخلص الأخ كلامه وجد عبد الرحمن معاذ قام من جنبه


أستغرب جدا وقال فى نفسه "هو مش قال أنه هيحض الدرس هو قام ليه"

ياترى معاذ قام ليه ؟؟
وياترى عبد الرحمن هيحضر الدرس ؟؟
ولا إيه ألى هيحصل ؟؟
تابعونا فى الحلقة القادمة باذن الله




وفجأة إذا بمعاذ يجلس فى ركن من أركان المسجد
ويلتف الشباب حوله وبدأوا بالجلوس
فعلم عبد الرحمن أن معاذ هو أكيد أللى هيدى الدرس
أستغرب عبد الرحمن فى الأول وكل ماظهر عليه
أنه جلس ينظر فى وجه معاذ طويلا


وبدأ معاذ بالكلام

معاذ : " بسم الله وكفى والصلاة والسلام على الذين اصطفى لاسيما عبده المصطفى
أما بعد " قبل مبدأ الدرس عايز أقول شئ مهم ممكن كتير مننا ميحسش بيه عايز
أقول لكم أن كل الناس اللى موجودة فى المسجد الأن الله عز وجل اختارهم عشان يسمعوا الدرس
فى ناس كتير برة لم يرد الله لهم المجىء إلى المسجد
وكذلك فى ناس من الجلوس معانا ربنا هيختارهم
عشان يهديهم بالكلام وناس تانية هتسمع وخلاص
فسبحان الله
عايزك تستشعر إن الله اختارك أنت وجابك بيته وسمعك كلامه
كل ده مش عشان تروح وتنام لأ
عشان تشكره على أبسط نعمه من نعمه عليك ......."


ثم
قطع صمت المسجد
رنين هاتف موبايل
نظر محمد من أين يأتى فإذا به هاتف عبد الرحمن
وطبعا علا صوته بصوت أغنية على أنغام الموسيقى


محمد : عبد الرحمن أقفل صوت الموبايل لما تخش المسجد
لأن هذا يؤذى الملائكة بصوت الأغانى وبيغلوش على أللى بيصلى


قفل عبد الرحمن صوت الرنين
وجلس يتابع
أزدحم المسجد اللى طالع واللى داخل وقام محمد
ليجلس فى الأمام عشان يسمع

لم يكف هاتف عبد الرحمن عن الرنين
فيبدو أن المتصل يريده أن يرد
أتحرج عبد الرحمن وقام يرد برة المسجد


عبد الرحمن: ألو
المتصل : أزيك يا عبده أنا حوده فاكيرنى ولا إيه
عبد الرحمن : أهلاااااااااااااا حوده أزيك
حودة: تمام وحشنى والله أنت فين ؟؟؟
عبد الرحمن : أنا فى الكلية
حودة: مأنا عارف أنك فى الكلية حد قال لك أنك قاعد على القهوة
أيوة فين على القهوة أقصد فين فى الكلية عشان أنا هناك وعايز أشوفك..

عبد الرحمن : قابلنى عند باب الكلية
حوده : ماشى

قابل صاحبنا صاحبه القديم وبعد السلمات والتحيات

حودة : إيه رأيك تخرج معانا الليلادى الشلة كلها جاية
وهتبأى سهرة جامدة

عبد الرحمن : لأ معلش مش هينفع النهارده
حودة : ليه يابنى دنتا هتبسط أوى وأهو نعيش شويه
عبد الرحمن : معلش ملياش مزاج

ووقف صاحبنا يهزر ويضحك ويسترجع أيام ثانوى مع صاحبه
ومحسش إلا والظهر بيأدن


عبد الرحمن " مفزوع " : أده هى الساعة كام دلوقتى
حودة: مش عارف تلاقيها 12 أو 12 :30 كده
عبد الرحمن : ياااااااااااااه الوقت بيعدى بسرعة أوى
حوده: خلاص وقفله السكة ما تيجى نجيب حاجة ناكلها ؟؟ انا جعان أوى
عبد الرحمن: لأ جعان إيه انا أصل عندى محاضرة ولا زم أمشى
أبقى خلينا نشوفك ....مع السلامة


أفتكر صاحبنا معاذ ومحمد والدرس أللى محضرهوش
وراح بسرعة عشان يلحقهم
ولما وصل وجدهم بيكبروا تكبيرة الأحرام فدخل فى الصلاة الجماعة
صلى عبد الرحمن وخرج من المسجد وإذا به يرى محمد مستنيه برة
نزل صاحبنا مربوك ومشعارف هيقول لمحمد إيه
وفجأه
وجد محمد بيقول له


محمد: معلش ياعبد الرحمن المسجد كان زحمة أوى ومعرفتش أقعد جنبك
أنت كنت قاعد ورا

عبد الرحمن باندهاش : هه أه
محمد: دأنا كنت قاعد جنب معاذ ويدوبك سامعه
أنت كنت سامع حاجة ورا ؟؟؟

عبد الرحمن : هه أه ... يعنى مش قوى ...يلا بسرعة عشان نلحق المحاضرة

وخرج عبد الرحمن من الموقف بأعجوبه
خلص صاحبنا محضراته ورجع البيت
وكالعادة تبدو عليه ظاهرة التتنيح
التى تلازمه منذ أن دخل الكلية
وطبعا مين هيستقبله غير الأخت عائشة


عائشه: .............

ولسة كانت هتفتح فمها بكلمة من كلماتها المرحبة لكن قطع عليها جرس التليفون

عبد الرحمن : أوعى أنا أللى هرد
عائشة: أتفضل يا حضرة المحافظ


رفع صاحبنا السماعة

عبد الرحمن : ألو
المتصل: أزيك ياعبده أنا ميدو مشفاكيرنى ولا إيه ؟؟؟
عبد الرحمن : أيوة هلّو هلّو أنتم مستأصدنى النهارده ولا إيه ؟؟؟
ميدو: أنت بتكلمنى ؟؟
عبد الرحمن : لا لا مفيش حاجة أزيك أنت عامل يه ؟؟؟
ميدو : شغال
عبد الرحمن : أنا لسه يادوبك داخل وراجع من الكلية
ميدو: أصطادتك طازة يعنى بقول لك إيه أنت لازم تيجى معانا النهارده
فى خروجة جامدة وانت واحش الشلة كلها وكلهم عايزينك
عبد الرحمن : ما حوده قالى الصبح وقلت له أنى مشهقدر
ميدو: لأ حوده مين يا عم دى غير بتاعت حوده خالص
بجد هتعيش
عبد الرحمن : معلش أصل ورايا كلية الصبح وأنت عارف
ميدو: يا عم أكل ونوم يديك دبلوم كلية إيه أللى بدور عليها
وبعدين معانا عربية وهنلف بيها شوية ومش هتتأخر
عبد الرحمن: لأ مادام فيها عربية أنا جاى
ميدو: أنت عارف طبعا المكان أللى بنتقابل فيه
نتقابل هناك الساعة 8 أوعى تتأخر
أنت تخش تنام من دلوقتى عشان تيجى فايىء
عبد الرحمن : أه عارف مش هتأخر مع السلامة

خلص صاحبنا المكالمة ولم يلاحظ أن عائشة متابعة كل تحركاته



عبد الرحمن : ماما أعملى حسابك أنا هخرج بليل
الأم: هنرجع لأيام الخروج تانى والتأخير
أنت يابنى مش دخلت الكلية بأه المفروض تبأى راجل وتتحمل المسؤلية

عبد الرحمن : وفيها إيه لما أخرج بلاش أفك عن نفسى
عائشة: تفك و لا تجمد ولا إيه رأيك فك واربط أحسن
وحضرتك بأه رايح فين المرة دى

عبد الرحمن : يارب رحمتك هو أنتِ حد عينك مسؤول عنى
وبعدين أنتى من أمتى بتسألى رايح فين إن شاء الله ؟؟

عائشة: لأ أصل أنا كمان خارجة فقلت أسألك ...
عبد الرحمن : وخارجة فين يا حضرة الكُنتيسة
عائشة: رايحة عند واحدة صحبتى هنزاكر مع بعض عندك مانع ؟؟؟
عبد الرحمن : هتذاكروا ....أه ....طيب أبقى سلميلى على المذاكرة
مع السلامة بأه أتفضلى روحى وامشى من أمامى

وهنا جاء كالعادة صوت من الخلف وهو صوت أبو عبد الرحمن

الأب : أنت من أمتى بتعطى الأوامر يا أستاذ عبد الرحمن
عشان تسمح لأختك أنها تروح أو متروحش

عبد الرحمن : أنا ............أنا ............
عائشة: بابا عبد الرحمن عايز يخرج مع صحابه الساعة 8 ومعاهم عربية
الأب : عائشة .........أتفضلى ادخلى الأوده وروحى ذاكرى
أتفضلى ............

عائشة : حاضر ..... حااااااااضر ........ أنا ماشية أهو

وقال عبد الرحمن فى زهنه " ماشى أما وريتك مبقاش أنا "
الأب : إنت إن شاء الله بأه رايح فين
عبد الرحمن : لا أبد دا أحنا هنتمشى على البحر بس هنشم هوا
الأب : والله أنا خايف عليك تشم حاجة تانية
عبد الرحمن : عيب هو أنا بتاع كده برضو دا أنا أخرى معاكسة بت على الناصية
الأب : إيه بتقول إيه ؟!
عبد الرحمن : لأ بكح أصل الهوا وقف فى زورى
الأب : عارف إن أتأخرت مشهبيتك فى البيت الليلة دى
سامعنى أنت وراك كلية بكرة مش فى أجازة فاهمنى

عبد الرحمن : آه طبعا مش هتأخر
الأب : أما نشوف

أتغدى صاحبنا وعمل بنصيحة ميدو ودخل ينام


ياترى ماذا سيحدث عندما يخرجون ؟؟
وهل سيذهب معهم حقا ؟؟
تابعونا

الرجوع الى أعلى الصفحة اذهب الى الأسفل
queen ran
محقق مميز
محقق مميز


نـقــــآط الإشرآف . : 130
نـقــــآط الـتـمـيـز . : 38
القسم المفضـل . : القسم الاسلآمي ♥
الآنمي المـفضل . : One Piece
الجنـس . : انثى
المسآهمآت . : 2755
شهرة العضو : 23
المـوقـع . : الأشياء ليست كما تبدو , و كذلك الأشخاص
العـمــر . : 20

مُساهمةموضوع: رد: يومياآت شآأب عادي * قصة واقعية انت بطلهآأ *   الخميس فبراير 27, 2014 5:45 pm

السلام عليكم و رحمة الله و بركاته
كيفك حبيبتى ؟
إن شاء الله بخير

ما شاء الله
الموضوع جميل جدا
اعتقد أول مرة أشوف موضوع بالشكل دة  4 
بس جميلة جدا الفكرة
أولا التنسيق تحفة , رائع جدا  16 
ثانيا القصة شدتنى عشا أقرأها من أول حرف
ماقدرتش اسيبها إلا لما قرأت أخر حاجة  56 
متشوقة أوى أعرف الباقى بجد
لا تتأخرى فى وضعها عزيزتى
يسلمو إيديكى على الطرح المميز  322 
جزاكى الله كل خير

فى حفظ الرحمن
الرجوع الى أعلى الصفحة اذهب الى الأسفل
جُوري
محقق ذهبي
محقق ذهبي


نـقــــآط الإشرآف . : 2
نـقــــآط الـتـمـيـز . : 3
القسم المفضـل . : القسم الاسلآمي ♥
الآنمي المـفضل . : Code Geass
الجنـس . : انثى
المسآهمآت . : 2163
شهرة العضو : 12
المـوقـع . : موقعي هو بقعة تحت قدمي
العـمــر . : 19

مُساهمةموضوع: رد: يومياآت شآأب عادي * قصة واقعية انت بطلهآأ *   السبت مارس 01, 2014 12:20 am

الله .. تنسيقك حلو أوي يا بت :) انا عايزة شوية ..
المهم ، لا زلت متابعة ..
الرجوع الى أعلى الصفحة اذهب الى الأسفل
 
يومياآت شآأب عادي * قصة واقعية انت بطلهآأ *
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: •◣ المنـزل الإســـلامـــي ◢• :: ♣ القســم الإســلآمي العــــــآم ♣-
انتقل الى:  
الساعة الأن بتوقيت (السعودية)
جميع الحقوق محفوظة لـ
 Powered by GIN12 ®{Conan-Anime.com }
حقوق الطبع والنشر©2011 - 2010

جميع ما يكتب في المنتدى لا يعبر عن رأي الادارة وانما يعبر عن وجهة نظر كاتبها..
والادارة غير مسؤوله عن ما يكتب او ينشر في المنتدى
..