الرئيسيةاهلاً بكمالتسجيلدخول


شاطر | 
 

 لأول مرة أعرف معنى اصدق الله يصدقك

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
نهر الصفاء
محقق جديد
محقق جديد


القسم المفضـل . : القسم الاسلآمي ♥
الآنمي المـفضل . : Kimi ni Todoke
الجنـس . : انثى
المسآهمآت . : 65
شهرة العضو : 3
المـوقـع . : مصر بلادي أم الدنيا

مُساهمةموضوع: لأول مرة أعرف معنى اصدق الله يصدقك    السبت سبتمبر 01, 2012 10:34 pm

السلام عليكم :)
حبيباتى ف الله
انا جاية انهاردة احكيلكم عن معنى اول مرة احسه اوى كدة
اصدق الله يصدقك ياااااااااااااااااااه ربنا دة كريم اوى
انا واحدة كانت بتلبس بنطلون وفوقه حاجة لحد الركبةوفاكرة نفسى انى كدة محجبة
مكنتش اعرف انى برتكب ذنب واثم
لا وايه كنت مشهورة انى ست الشيخة ف وسط عيلتى واصحابى عشان كانت بلوزتى طويلة شوية
لحد ما جيت مرة كنت بتفرج على حلقة عن الحجاب للداعية مصطفى حسنى
واكتشفت انى ف مصيبة سودة وان اللى بلبسه دة مهوش حجاب الحجاب مش طرحة على الراس وبس
وقتها جيت اقول لماما انا عاوزة اغير لبسى والبس عبايات لكن هى طبعا رفضت
بحجة انى وقتها كنت لسة يا دوب 17 سنة وقال ايه صغيرة الكلام دة من سنتين
وانا وقتها بينى وبينكم مكنتش صادقة اوى
عدت الايام وجيت من فترة كدة اتخنقت من البنطلون وكنت ببقى قرفانة وانا
لابساه وخصوصا انى فى كلية معظم البنات اللى فيها ملتزمات ولله الحمد فكنت
بغيييير منهم بصراحة ليه هما لابسين احسن منى وبدأت اقلل لبس البنطلون ومن
قبل رمضان باسبوعين تقريبا مكنتش بنزل غير بطقمين عندى عشان كانوا بجيبه
وواسعين
وجيت ف رمضان السنة دى وسمعت حلقة عن سحر اللبس لمصطفى حسنى
ف برنامج سحر الدنيا قال كلمة وقتها وجعتنى اوى "كل واحدة بتلبس على اد دينها "
ياااااااااااااه يعنى انا دينى بنطلون وبادى كرينا ؟؟ :(
من وقت الحلقة دى وانا ف صراع لازم ابطل البنطلون فعلا وبجد مش فترة وارجعله
وجينا عشان ننزل نشترى لبس العيد وجاء الصدام
ماما عاوزانى وانا نازلة البس بنطلون وانا طبعا مش هقدر المهم روحت لابسة
طقم عندى طويييييل "هى عباية بس عباية تونك كدة " والبنطلون مش باين منه
غير حتة صغيرة وواسع قلت اخر مرة ف حياتى هلبس الطقم دة كدة هشتريله جيبة
ونزلت اشترى اللبس وانا نازلة قلت ياارب انا مش عاوزة البس لبس يضايقك ويزعلك منى
يارب انت عارف انى مش عاوزة اغضبك يارب وكنت صادقة اوى ساعتها
ونزلت وطبعا طول ما احنا بنلف ماما عاوزانى اجيب طقم ببنطلون وانا اقلها لا يعنى لا
وقلتلها هشترى فستان واسع واحنا ماشيين شافت فستان واسع اه بس عليه جاكيت
كارينا كمه ضيق من فوق وقالتلى دة حلو خشى هاتيه وانا مش عارفة اقولها ايه
روحت قايلالها طب بصى تعالى نلف تانى شوية
وفعلا لفينا تانى وسبحان الله لقيت فستان واسع وبكم واسع الحمد لله ممكن
لونه يبقى زينة شوية صحيح بس بصراحة حسيت انى لو سبته هضطر اشترى التانى
اللى كان ضيق وقلت ابتدى واحدة واحدة عشان ماما متعترضش
وروحت البيت ومسكت الدولاب وطلعت البلوزات اللى عندى "الواسعة بس "وقستها
على جيبة كنت جايباها من فترة لما قررت اوقف البنطلون ولبستهم
وكنت متخيلة انى هسمع كلمتين حلوين من ماما وهتهزق
بس الغريب بقى انها اعجبت باللبس كدة وقالتلى الله جميل اوى عليكى
وصارحتها وقلتلها اصل انا مش هلبس بناطيل تانى وكنت متوقعة ثورة عليا
لكن الغريب بقى انها معترضتش ضحكت كدة وقالتلى هو مين اللى دخل ف دماغك الموضوع دة
قلتلها مصطفى حسنى :)
بجد انا دلوقتى ف اسعد لحظات حياتى
ربنا سترنى وخلانى اغير لبسى وابطل بناطيل بعد ما كنت متخيلة انى عمرى ما هبطلها
ياااااااااه يارب انت كريم اوى يارب
ادعولى يا بنات بالثبات انا كدة ف المرحلة التالتة مرحلة الجيبة و الخطوة
الجاية ان شاء الله العباية ومن بعدها النقاب قولوا يااااااااااارب وادعولى
كتيييييييير وادعو ربنا يحنن قلب ماما وتفضل طيبة كدة على طول متثورش عليا
تانى
سامحونى لو طولت بس كان نفسى افضفض من كتر فرحتى
انا عارفة ان دى خطوة بسيطة اوى ومش اد كدة وانى لسة محتاجة تغيير تانى
دعواتكم معايا بقى عشان فعلا انا محتاجالكم اوى
بحبكم ف الله



الموضوع منقوووووووووووووول للأمانة بس ادعوا لصاحبة الموضوع بالثبات
وادعولى بالمغفرة
الرجوع الى أعلى الصفحة اذهب الى الأسفل
شاعرة الاندلس
محقق ذهبي
محقق ذهبي


نـقــــآط الـتـمـيـز . : 3
القسم المفضـل . : قسم المتحري كونآن ♥
الجنـس . : انثى
المسآهمآت . : 1134
شهرة العضو : 15
المـوقـع . : فى الدموع الدافئة
العـمــر . : 22

مُساهمةموضوع: رد: لأول مرة أعرف معنى اصدق الله يصدقك    الأحد سبتمبر 02, 2012 1:37 am

ماشاء الله موو9و9و9وضووع رووعة
ربنا يثبتها ويثبتنا جميعااا

ويهدينا ان شااء الله

:,155:
مووضوعك ♥♥♥ روووعة ومتحريمينااش منهاا 156
الرجوع الى أعلى الصفحة اذهب الى الأسفل
نهر الصفاء
محقق جديد
محقق جديد


القسم المفضـل . : القسم الاسلآمي ♥
الآنمي المـفضل . : Kimi ni Todoke
الجنـس . : انثى
المسآهمآت . : 65
شهرة العضو : 3
المـوقـع . : مصر بلادي أم الدنيا

مُساهمةموضوع: رد: لأول مرة أعرف معنى اصدق الله يصدقك    الأحد سبتمبر 02, 2012 1:44 am

نورتي يا ولاء
شكرا لمرورك
بس فين دعوة ليا ؟؟؟؟؟؟؟؟؟؟
عموما نورتى
الرجوع الى أعلى الصفحة اذهب الى الأسفل
 
لأول مرة أعرف معنى اصدق الله يصدقك
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: •◣ المنـزل الإســـلامـــي ◢• :: ♣ القســم الإســلآمي العــــــآم ♣-
انتقل الى:  
الساعة الأن بتوقيت (السعودية)
جميع الحقوق محفوظة لـ
 Powered by GIN12 ®{Conan-Anime.com }
حقوق الطبع والنشر©2011 - 2010

جميع ما يكتب في المنتدى لا يعبر عن رأي الادارة وانما يعبر عن وجهة نظر كاتبها..
والادارة غير مسؤوله عن ما يكتب او ينشر في المنتدى
..