اسئله ترفع الضغط

# أنتي بغرفتك منسدحه بالسرير ومطفيه النور ومتلحفه بالبطانيه..
يجي أحد أخوانك ويفتح الباب عليك ويقول : انتهي حتنام !!!

(( لا أبرقص على آه ونص :d ,, أكيد أبنام ))

# أنتم معزومين عند ناس ورحتو لبيتهم وأول ما فتحوا الباب لكم : قال ولدهم " جيتــوا " !!!!!

(( لا رحنـــا ,, أكيد جينا وأنت وش تشوف ))

# والعكس : واحد لابس ثوب وكاشخ ومشخّص بالشماغ وماشي بالبيت متجه لباب الشارع ,, يجي أحد من أهله وينادي بصوت عالي : هاه انت خارج !!!!

(( لابي يدخل ,, أيه يبي يطلع ))

# أو مثلا راكب الدباب او السياره وشغل الموتر شوي ويتدوس على البنزين يطلع لك واحد ويطق على القزاز ,, وهو بكل ذوق يتفتح القزازه يقول : آمر يالحبيب ؟
يقول : تبي تمشي !!!

(لا يبي فحط ويسوي خمسات .... أكيد هوا ماشي ))

# عزيزتي الفتاة مثلا أنتي بالكليه وقمتي من الطاولة عقب ألف سالفه وسلافه يتخللها الحش والضحك والغشمرة ورحتي عند الباب تلبسين عبايتك ...
تجي وحده ملقوفه من البنات وتقولك :فلانه مشيتي تبين تطلعين للبيت !!!!

(( لا أبطلع برا أشم هواء,, أكيد أبروح لـ بيتنا من زين المدرسة))

# يمثلا ماسكه سماعه التلفون وقاعده تضغط بالارقام يجي أحد من أهلك ويقولك : تبين تكلمي بالتلفون !!!!
(( لا أبتفرج عليه ,, أكيد أبكلم ))

# ماسكه مذكرة أو كتاب وقاعده تحفظي ومتحمسه .. جاء أحد وقالك : قاعده تذاكر !!!
(( لا أطالع التلفزيون ,,, أيه أذاكر ))

# تسبحي بالمسبح يجي واحد من اهلك يمر عليك ويقول : فلانه تسبحي !!!
(( لا اتصيد سمك ... اللي يسمعك ما تشوف أيه قاعده أسبح ))

ولا تعالــو شوفو قنواتنا( طفش الاولى) واسئلتهم البديهيه البايخه ..,,

# برنامج اهداءات يتصل واحد يطلب أغنيه ؟
ترد عليه المذيعه بكل سخافه : أنتا بتحب هي الغنيّة !!!
(( لا ما أحبها بس طالبها أستهبل ,, ايه أحبها ليش أجل متصل ))

# أو مثلا بالعيد جايين يقابلون مع الناس شوفو حوارتهم :
المذيع : مرحبا عرفنا على اسمك ؟
المواطن : فلان الفلاني .
المذيع : وش تقول لأهلك بالعيد ؟!!!
المواطن : أقولهم كل عام وأنتم بخير ..
(( أكيد يبي يقولهم هالعباره أجل وش تبونه يقول بهالمناسبه احسن الله عزاكم ))

والأسخف من هالبديهيات اللي تضيع وقتنا اذا قابلو مع البزوره ,,,

يقول المذيع للبزر : أنت تحب ماما وبابا !!!
(( أيه يحبهم أجل تبي يقول لا ))

المذيع : ايش تسوي بالعيد أكيد تروح لأهلك تسلم عليهم وتقولهم كل سنه وانتو طيبين !!!
(( لا أبروح أكفخهم وأسوي هوشه ,,, أكيد أبعايدهم ))

أنتي الحين تقرائي الرساااالة ؟؟؟؟؟

لا أخيط نعالي يعني وش أسوي الحين

ان شاء الله يعجبكم

مــــنقول

يشرفني أن اكون أول من يرد على الموضوع

هههههههههههه

فعلا ترفع الضغط والسكر بعد

تسسسلمين ع الطرح

زمن قاسي كتب:: يشرفني أن اكون أول من يرد على الموضوع

هههههههههههه

فعلا ترفع الضغط والسكر بعد

تسسسلمين ع الطرح

الشرف لي~
يب يب وربي اتنرفز واوصل حددي من ذي الاسئله غباء هههههه ~

هههههههههه

كتير حلوة

مجرد قراءتها ترفع الضغط

هههههههه

يب يب مرررررهه هع

اريقاتو عـ الرد

للأسف مكرر ..~

يغ‘ـــلق ..

هههههههه

يؤؤ مرجوجه مسويه موضوعين فنفس القسم<<وانتي شدخلج

بس صج في اسأله غبيه وترفع الضغط

تقبلي مروري

الموضوع جميل وكوميدي بس لغة الكتابة مش مفهومة نرجو :[[tt[t[t[t[: :f1: التوضيح :[[tt[t[t[t[:

هههههههههههههههه

انا ما ارد عليهم اذا سألوووني
ههههههه