الرئيسيةاهلاً بكمالتسجيلدخول


شاطر | 
 

 التحكيم~~~> (البر) &(البحر)

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
SoŐoS
محقق ذهبي
محقق ذهبي


نـقــــآط الـتـمـيـز . : 3
القسم المفضـل . : قسم المتحري كونآن ♥
الجنـس . : انثى
المسآهمآت . : 2255
شهرة العضو : 15
العـمــر . : 21

مُساهمةموضوع: التحكيم~~~> (البر) &(البحر)    السبت يناير 15, 2011 12:09 pm

 يوم الثلوث العصر جالس لحالي = ما عندي إلا واحدٍ من عيالي
 محضر الدلة ومرتاح بالي = وأقول يالله بالهداية طلبناك



 قمت أتشرف مدخل البيت وأشوف = وإلى الثنين اللي لفوا قالوا ضيوف
قلت أقلطو فالبيت والبيت معروف = قالوا نعرف البيت وأنته عرفناك



قالوا لفينا للمحل يأبن الأجواد = بانشرب الدلة ونحلف عن الزاد
بيناتنا دعوى ومصدر وميراد = وفرصة سعيدة يوم حنا لقيناك




قلت أستريحو بعد سارت خطاكم = مافيه دعوى قبل أقدم أقراكم
تستاهلون اللي يكرم لحاكم = والله يقول تكرم الضيف لاجاك




قالوا تكلف ياعسى الله يعينك = يامعزب الخطار تسلم يمينك
لا نحقر أنفسنا ولا حاقرينك = يابو علي في واجبك ما حقرناك




وبعد القرى قالوا بنعطيك الأعلام = حنا ثنين وبيننا أشكال وإخصام
أسمع دعاوينا وصدر بها أحكام = نبغاك تحكم بيننا لا عدمناك




قلت أسمحوا لي وأسمعوا في كلامي = مافيه دعوى قبل أعرف الأسامي
يالوا دعاويكم تفص العضامي = باغ أسمع دعوى خصيمك ودعواك




قالوا تبى الأسماء نعلمك ذالحين = حنا البحر والبر كبار السلاطين
بيناتنا عيَت تقر الموازين = والحق يرضينا وحنا رضيناك




ثم قلت للخصمين هاتوا معاديل = للي تكمل في حقوق الرياجيل
وأنا حكم وأفصل الحكم تفصيل = والحق ماهو ضحك مع كل ضحاك




قالوا حسينا للطلب وأحتسينا = وجبنا اللزوم اللي فرضته علينا
حاضر بحاضر أستلم من يدينا = وكلٍ يسلم من يمينه بيمناك




قال البحر أنا أدعي فالبدايه = وأحرر الدعوى على مستوايه
البر ضيقني وعكر صفايه = وإلى نشدته قال وش جاك وش جاك



زل الحدود اللي قديمه عليه = يزحف برمله كل صبح وعشية
يخطي وقال أنا ما مني خطية = لايفتكر هذا ولا يفتكر ذاك




اوقلت له يابر تراك زليت = وعلى الحدود اللي قديمه تعديت
وأنا تراني من مشاكلك مليت = شلت الحدود الفاصلة بين الأملاك




دعواي عندك وأبغي الحكم ضده = أحكم عليه ورجعه عند حده
وإلى استلمت الحكم عني ورده = وأنته حكم والله بالخير يجزاك




البر قال : القاضي اللي رضيناه = أسمي صحيح البر وآمنت بالله
وأجاوب اللي مدعيني بدعواه = والخصم تحكم جابته لا تبلاك




دعواه كيدية وزور و ظليمة = وأنا مازليت الحدود القديمة
ولا ينغنم وهوه ما عنده غنيمة = ما فيه غير الملح وعيال الأسماك




أنا أعرفك يابحر غدار غدار = لا تعرف الجيرة ولا أتحشم الجار
وإلى نصاك الضيف ما تولع النار = لا ينسكن وسطك ولا ينشرب ماك




ما فيك غير الموج لا هبت الريح = تغدي كما المجنون تضرب تجاميح
موجك ورى الحدان يطبح تطابيح = جبت الأذى للجار لو كان ما أذاك




قال البحر تبغى تسوي فصاحة = وأنا البحر معروف وأكبر مساحه
ولا أنته بقدي لا بغيت الصراحة = لولاي أخاف الله تراي أتعشاك




أنا تحملت السفن والبوابير = تاجيك بالأرزاق من غير تأخير
وأنته مافيك إلا الرمل والمعاصير = وفيك السلم والمرخ والحمض والراك




فيه منافع ما يتحاصى عددها = اللؤلؤ والمرجان واللي بعدها
واللي عطاها واحدٍ ما حسدها = رزقي مكفيني ورزقك ما كفاك




سبحان رب الكون ومدبر الكون = أنا الذي في حكمه أغرقت فرعون
وإلا أنت وش سويت ؟؟ خلك على الهون = أنا تحديته بعد ما تحداك




بلاه من سيل القرى وش حصل لك ؟ = اللي غزاك من القرى في محلك
ياكم ليلة بالدقايق يزلك = ولا تعداني مثل ما تعداك




البر قال : البحر أشوفك تكبر = وراع الكبر عند العرب ما يعبر
ما فيك لا مسجد ولا فيك منبر = ما غير كثر الهرج بالجار زراك




فيّه بيوت الله ومكة وطيبة = وفيه قبور الأنبياء والصحابه
والوحي فوق البر نزل كتابه = والله عطاني خير وإلا أنت و شـ أعطاك




قلت الدعاوي بينك وصلت الماد = والشر ما ينزاد والخير ينزاد
والمدعي لازم يجيني بالاشهاد = لا زم تجيب شهود لأثبات دعواك




قال الشهود اللي عن الخصم يقدون = اللي لمضمون الشهادة يعرفون
مسكانهم فالبر ما هم بياجون = وأنته تعرف العلم ماضن يخفاك




وقلت عن البينة كان عجزان = بحكم عليه يمين وتروح قنعان
قال : ما أقنع والخطى شوف الأعيان = لو عشر أيمان تحكم إلى أعطاك




ا وقلت يابحر تقدر تجمل = باللي حصل قبل الدعاوي تحمل
وأنا با صدر حكم حكمي مكمل = وأنته بحر معروف ما أحد يتعداك




الحكم بعد اليوم ما أحد يتمدى = سد الحدود الثابتة ما ايتعدى
واللي يزل الحكم منكم يردى = وأنا صدر حكمي على حسب دعواك




أنتم اثنين مكملين لبعضكم = وإلى توافقتم ما أحد يعترضكم
هذا العلاج اللي يداوي مرضكم = إبلاه ما تكمل ولا يكمل إبلاك




وختامها صلوا على من صلاته = كتبت على المسلم ما دامت حياته
محمد اللي وصف الله صفاته = يالله لا تحرمنا ملاقاه وإرضاك





تعبت اليين جبت المقطع ...
فلاتحرموني من ردودكم العطرة
shgawa 4 ever

الرجوع الى أعلى الصفحة اذهب الى الأسفل
شارلوك هولمز12
محقق مشارك
محقق مشارك


القسم المفضـل . : قسم المتحري كونآن ♥
الآنمي المـفضل . : Code Geass
الجنـس . : ذكر
المسآهمآت . : 222
شهرة العضو : 3
المـوقـع . : Of course .. in this world
العـمــر . : 21

مُساهمةموضوع: رد: التحكيم~~~> (البر) &(البحر)    السبت يناير 15, 2011 1:22 pm

جميل جدا جدا ..

عجبتني الابيات ..

ويسعدني اكون اول من يرد على موضوعك ..

قريتها كلها وصراحه حلوه مره ..^.* << استكن مع الابيات ههه

يعطيك الف عافية على الطرح الجميل ..

واصلي ابداعك .. لا عدمناك ..


تقبلي مروووري ..


:bvb:


الرجوع الى أعلى الصفحة اذهب الى الأسفل
SoŐoS
محقق ذهبي
محقق ذهبي


نـقــــآط الـتـمـيـز . : 3
القسم المفضـل . : قسم المتحري كونآن ♥
الجنـس . : انثى
المسآهمآت . : 2255
شهرة العضو : 15
العـمــر . : 21

مُساهمةموضوع: رد: التحكيم~~~> (البر) &(البحر)    السبت يناير 15, 2011 1:26 pm

يسعدك اخوي ع الرد
مشكور
الرجوع الى أعلى الصفحة اذهب الى الأسفل
SoŐoS
محقق ذهبي
محقق ذهبي


نـقــــآط الـتـمـيـز . : 3
القسم المفضـل . : قسم المتحري كونآن ♥
الجنـس . : انثى
المسآهمآت . : 2255
شهرة العضو : 15
العـمــر . : 21

مُساهمةموضوع: رد: التحكيم~~~> (البر) &(البحر)    الإثنين يناير 17, 2011 6:53 pm

فين؟؟
الرجوع الى أعلى الصفحة اذهب الى الأسفل
SoŐoS
محقق ذهبي
محقق ذهبي


نـقــــآط الـتـمـيـز . : 3
القسم المفضـل . : قسم المتحري كونآن ♥
الجنـس . : انثى
المسآهمآت . : 2255
شهرة العضو : 15
العـمــر . : 21

مُساهمةموضوع: رد: التحكيم~~~> (البر) &(البحر)    السبت يناير 29, 2011 10:40 am

???
الرجوع الى أعلى الصفحة اذهب الى الأسفل
كونان إيدوغاوا
محقق مميز
محقق مميز


الآنمي المـفضل . : Code Geass
الجنـس . : انثى
المسآهمآت . : 3995
شهرة العضو : 6
المـوقـع . : في الغرفه ..

مُساهمةموضوع: رد: التحكيم~~~> (البر) &(البحر)    السبت يناير 29, 2011 12:18 pm

يا حياتي ..فديتك على هالمجهود الراااااااااااااائع ...موضوع تشكرين عليه
لا تحرمينا من ابداعاتك...ماشي ...فديتك
الرجوع الى أعلى الصفحة اذهب الى الأسفل
SoŐoS
محقق ذهبي
محقق ذهبي


نـقــــآط الـتـمـيـز . : 3
القسم المفضـل . : قسم المتحري كونآن ♥
الجنـس . : انثى
المسآهمآت . : 2255
شهرة العضو : 15
العـمــر . : 21

مُساهمةموضوع: رد: التحكيم~~~> (البر) &(البحر)    الثلاثاء فبراير 01, 2011 2:16 pm

مشكورة ع الرد
الرجوع الى أعلى الصفحة اذهب الى الأسفل
 
التحكيم~~~> (البر) &(البحر)
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: ● المنـزل الـعـام ● :: ♣ » قسم الموآضيع العآمة « ♣-
انتقل الى:  
الساعة الأن بتوقيت (السعودية)
جميع الحقوق محفوظة لـ
 Powered by GIN12 ®{Conan-Anime.com }
حقوق الطبع والنشر©2011 - 2010

جميع ما يكتب في المنتدى لا يعبر عن رأي الادارة وانما يعبر عن وجهة نظر كاتبها..
والادارة غير مسؤوله عن ما يكتب او ينشر في المنتدى
..